කඩදාසි රොකට්

මන් හැදුව කොලේකින් චාම් පුන්චි රොකට්ටුවක්
ඒක ලස්සනට පාවුනා මට මතකයි
නිදහසේ
සැහැල්ලුවෙන්
පිස්සුවෙන්
ඒත් මට ඕන උනා ඒක ලස්සන කරන්න
මන් එකට තව ලස්සන දේවල් එකතු කරා
පාට කොල ඇලෙව්ව
පාට කලා
කැටයම් දැම්ම
මල් ඇලෙව්ව
මන් ඒක ආසාවෙන් උඩ යැව්ව
ඒත්...
ඒක ඉස්සර වගේ
නිදහසේ පාවෙන්නෙ නෑ, හරිම අමාරුවකින් පාවෙන්නෙ
නිදහස් ආකාසෙත් හිරවෙලා...
මන් ආයෙත් ඒක ලස්සන කරන්න දාපු හැමදේම අයින් කරා,
හැමදේම...
ඒත්...
ඉස්සර වගේ දගකාර, නිදහසේ පාවෙන රොකට් එක මට පේන්න නෑ
මට තියෙන්නෙ තීරන දෙකයි
මගෙ රොකට් එක ගිනිතියල දානවද
නැත්තන් ඒක දිහා බලන් හූල්ලනවද
බයගුල්ලෙක් නිසාම මන් දෙවනි එක තෝරගෙන.

cheru (රුචික)
12:36 am
05.07.2014